فيديو 7 | Video7 | السيسى للمصريين: “إيدينا تنقطع قبل ما تمسكم”

رئيس مجلس التحرير : خالد صلاح

السيسى للمصريين: “إيدينا تنقطع قبل ما تمسكم”

http://youtu.be/OU7NEhytQ_8

الإثنين 29 - 4 - 2013 14:11

 كتب محمد أحمد طنطاوى وناهد الجندى

هتف الحضور المشاركون فى “أوبريت حبيبى يا وطن”، بعد كلمة ألقاها الفريق أول عبد الفتاح السيسى القائد العام للقوات المسلحة، وجه خلالها التحية لصاحب فكرة الحفل “جامعة المستقبل” وأعضاء هيئة التدريس، خلال الاحتفال بعيد تحرير سيناء بنادى الجلاء.

ووجه السيسى التحية للإعلاميين الموجودين فى الحفل والكتاب، والفنانين والمثقفين، قائلا: “مش عاوز أنسى أقول لأهلى المسيحيين كل عام وأنتم بخير، وأنا عاوزكم توجهوا التحية لمصر”.

وأضاف:” عاوز أقول كلمتين صغيرين عن الجيش، الجيش المصرى، وطنى عظيم وشريف أوى وصلب، لا تقلقوا أبدا على بلدكم مصر، وفرصة أقول إن المصريين لما أرادوا التغيير غيروا الدنيا كلها، لما جيش مصر نزل حماكم، وقعد 18 شهرا، إيده لم تمتد، خلوا بالكم من هذا الكلام جيدا، إحنا إدينا تنقطع قبل ما تمسكم، من 3 أسابيع أقسمت قسما ياريت كلكم تكونوا سمعتوه، أنا قلته عشان كل مصرى قاعد فى بيته يكون مطمئنا رغم كل الشوشرة المرصودة”.

وقال وزير الدفاع “كان فيه 150 ألف جندى فى الشارع، إحنا كنا نناضل عشان لا يؤذى أى مصرى، ونحارب عشان لا يؤذى أى مصرى، وعشان مصر تفضل مصر، وهتفضل مصر، أنا مش هقدر أقول كلام جميل زى اللى قلتوه كلكم”.

وبكى الفنان محمد فؤاد وقال للفريق أول عبد الفتاح السيسى: “خلى بالك من مصر يا فندم”، وكذلك الفنانة آمال ماهر.

وقال السيسى:” الضباط اللى انتو شايفنهم دول والطلبة ..الدم اللى فى عروقهم بيحب مصر، ونحن لا ننسى ولن ننسى شهداء رفح، لازم يكون عندنا أمل وثقة كبيرة فى بكرة ، وبكرة تشوفوا مصر وهيا أم الدنيا وهتبقى أد الدنيا، وكل عام وأنتم بخير”.

وفى نهاية الحفل هتف المشاركون فى الحفل “خلى السلاح صاحى صاحى”.

التعليقات

3 ردود على “السيسى للمصريين: “إيدينا تنقطع قبل ما تمسكم””

اضف تعليق

البريد الالكترونى لن يتم نشره